千億新抱徐子淇昨日到澳門，為父親任副董事長的金至尊珠寶於威尼斯人的新店任開幕嘉賓，她又將為金至尊設計「幸福女人」系列首飾，實行大晒幸福。她又提到曾收過老公所送、有2千年歷史的文物級古董首飾作生日禮物，豈料發現竟是陪葬品，嚇得急急退貨。
已嫁作人婦的徐子淇昨日到澳門剪綵，更佩戴價值480萬的首飾作生招牌。豈料現場仍未揭幕，招牌上的紅布就因膠紙黏貼力不足而墮下，幸未有跌落嘉賓頭上造成尷尬。之後子淇又代表智行基金會，接受金至尊捐贈的50萬善款支票。問到此行是為支持父親還是支持善事而來，她笑着說：「兩樣都有啲啦，其實之後設計嘅首飾，賣出後部份收益都會捐畀智行。」
夢想生仔娶新抱
她又提到早前帶同兩位千金，與老公一同到美國滑雪過聖誕，她說：「大女第一次學滑雪好開心，又唔捨得留低細女，所以帶埋佢去。新年會再同老爺佢哋再去旅行。」問到造人大計，她即笑說：「我都想快啲呀，好似家買首飾都會諗邊啲留畀大女，邊啲留畀細女，家又會諗吓邊啲留畀新抱，希望再買就可以留畀囝囝。」
廖碧兒逼人送禮
徐子淇又提到自己一向喜歡收集古董首飾，不過一次經驗卻令她避之則吉，她說：「老公都知我鍾意舊首飾，有一次生日就買咗一條150AD（公元前150年）嘅石頭頸鏈畀我，點知一打開盒我就覺得頭暈頭痛，即刻叫老公退貨；後來查過，原來條鏈係當時有錢人用過嚟陪葬，又擺過喺博物館展覽，之後我仲發咗3晚噩夢，連老公都驚，問我係咪見到嘢，因為唔知點處理，所以我將其他舊嘢送畀朋友。」
同場另一位嘉賓廖碧兒則佩戴價值300萬的鑽飾示人，問到情人節會否渴望收到鑽飾，她說：「有心就得啦，有意思都OK，咩禮物都得，但係我好少收喎！唔知係咪啲人唔知我喺邊呢！其實send去TVB我就一定收到o架喇。」
廖碧兒又提到姐姐最近產女，情人節當日剛巧是農曆大年初一，所以就算未有約會都一定會與家人度過。
採訪：藍文浩
攝影：黃文成