古巨基之前率領鍾欣桐（阿嬌）、泳兒、鍾舒漫、陳偉霆同洪卓立，合作錄賀年歌《飛虎群星賀新歲》，成班人日前拍MV，場面好熱鬧，但就人多手腳亂，其中一個鏡頭要成班人一齊拉紙炮，拍咗好多次都夾唔到同一時間拉紙炮，搞到阿嬌、泳兒同鍾舒漫幾個女仔拉到手指都麻痹，最後紙炮用晒都未拍到，結果要跳拍其他鏡頭呀。