周秀娜（Chrissie）一脫成名，踏入新一年不但人氣不跌，甚至國際巨星周潤發也公開表示不妨合作，又形容兩人是「電影雙周」。前晚Chrissie現身首映時雀躍地表示樂意和發哥演忘年戀之餘又笑說：「只要畀封『無言』利是就好開心，唔使感激。」擺明出言寸無綫。
任達華、廖碧兒及安志杰主演的新戲《滅門》前晚在尖沙嘴舉行首映禮，不少圈中人如張文慈、向華強、向佐等都有到場支持，無綫高層樂易玲帶同一班藝員捧廖碧兒場，另外周秀娜則與A.Lin及DaDa等一班o靚模現身。身為女主角的廖碧兒前後大開中門性感登場，安志杰則有女友謝婷婷到場打氣冧爆。
性感動作乜都制
Chrissie封胸騷腿出現，她表示有興趣拍打戲，雖自知身體孱弱，但不怕受傷。問到想拍性感戲還是動作戲？Chrissie說：「兩者係唔同，只要適合就OK，就算係床戲都可以接受，只要導演、角色同班底係適合就可以，但係我絕對三點不露。」
周潤發早前出席活動時也表示認識Chrissie，並直言可以合作，又笑稱兩人是「電影雙周」，Chrissie對此雀躍地說：「我都有睇報道，好搞笑，我當然想同發哥合作，即使演忘年戀都冇所謂，我相信合作開心，如果有得合作即使只係畀封『無言』利是都好開心，唔使感激啦。」Chrissie此言明寸無綫給《72家租客》演員四位數和「無言感激」利是作酬勞一事。
廖碧兒審問陳豪
現場不見廖碧兒的前男友陳豪到來支持，廖碧兒聞言笑說：「有機會我都問番佢先。」提到有消息指陳豪夜訪廖碧兒家兼送消夜，廖碧兒表示絕無此事，相片只是之前所拍，但她卻未有否認陳豪曾到過她的香閨。此外，任達華早前被指搭上內地女新人周詩雅，但事後對方公開道歉，任達華表示事件已過去，不想再提掃雅興，但他坦言以後和異性相處會稍為避忌。
採訪：溫敏芝
攝影：陳俊強
