繼上個禮拜搞完有線盛世記者會後，九倉（004）又幫旗下單位造勢，噚日輪到九倉電訊推「十全網」大計，除咗由罕有蒲頭嘅九倉副主席吳天海主持，仲搵埋真、假財神撐場，有靚女財神固然醒神，但華華更感興趣係，真財神曾俊華（圖）點解咁有心，去到佐敦某商業大廈嘅餐廳撐九電呢？
九電總裁馬惟善話，呢個新計劃全名係「十全能企業網絡」，九倉投資10億擴展全港網絡基建，為商業客戶提供光纖上樓極速網絡連接。
講開免費電視，吳天海話希望官府盡快處理申請，仲話發幾多個牌，佢都咁歡迎。家個個都話申請，係咪真係有心搞o架？佢話唔評論人哋，總之佢就晨早ready晒，淨係爭個牌咁話。