港股連跌5日之後終於出現反彈，恒指前日跌咗194點，100日線失守，噚日升番217點，重返100日線樓上，走勢算係企穩。
期指結算逐漸逼近，期指現水平同上個月結算時差唔多，花旗股市復市後，港股好淡雙方料會借勢搶灘。噚日港股靠內銀股帶動炒上，暫時呢個局面唔會變。
越地C輪19245：越秀地產（123）昨收2.18元，升1.8%。股價近日喺10日線附近反覆，似係部署上試2.28元阻力，破位睇2.60元，可以諗吓隻C輪19245。
隻輪現價45.5仙，2010年5月20日到期，行使價2.20元，溢價21.7%，引伸波幅92.9%，有效槓桿2.8倍，正股升上2.60元，19245睇73.3仙，正股跌穿2元，就沽咗隻輪止蝕。
俊樺