內地天后張靚穎新碟《我相信》搵咗台灣音樂人阿弟仔做監製，佢哋笑自己係靚仔組合，要喺錄音室擦出新火花。張靚穎早排去台灣錄音，阿弟仔帶佢去西門町成都路食牛肉麪，身為四川人嘅張靚穎見到台灣都有家鄉嘢，份外親切，不過佢食牛肉麪時猛話人哋冇放辣椒，其實已經好辣，只係佢食慣四川麻辣啫，佢仲話下次帶四川辣椒做手信。