陳偉霆（William）噚日喺商台宣傳新歌，佢話09年拍咗好多戲，私人生活又經歷好多，首新歌會比較輕鬆啲，佢仲話想新一年所有緋聞全部完結，唔好再有喎！講到佢師姐容祖兒（Joey）有機會攞嘅傳媒大獎，家仲未知係咪會頒，William話覺得獎項只係一個肯定，最緊要係有民心，但係如果Joey有得攞個獎，佢話梗係撐佢啦。