曾經喺本港最老牌英資企業之一怡和，掌舵做大班嘅文禮信（AlasdairMorrison），唔少讀者應該對佢印象深刻，2000年佢加盟大摩出任亞洲區主席，但07年離開大摩後冇乜消息，最新動向原來係加盟花旗集團。
助擴展環球業務
文禮信會擔任亞太區高級顧問呢個新設職位，協助花旗擴展區內環球銀行業務，佢亦會加入花旗集團嘅資深策略顧問小組。
呢位熱愛香港嘅蘇格蘭人，1971年加入怡和集團，至94年出任該集團董事總經理，2000年至走人。文禮信多年嚟一直喺香港居住同工作，至今已接近40年，可以話係亞洲通；佢曾經回憶話，自己第一次去北京，已經係1983年，換句話講，真係見證住中國市場開放改革嘅歷程。