郭可盈上周為林文龍誕下囡囡，兩夫婦昨日帶女嬰回家，產後的可盈精神甚佳，她指雖然出現肚脹情況，但身形弗爆，健步如飛。林文龍透露女兒出世後，夫妻感情猶勝從前，他形容說：「最近勁好。」看來小B女果然是雙親的福星。
郭可盈上周四在嘉諾撒醫院剖腹誕下7磅2安士女嬰，昨日由老公接出院，林文龍全程護着可盈兩母女，除叮囑現場記者不可用閃燈閃囡囡外，又要大家跟剛開刀的可盈保持距離，以免撞到她，非常緊張。
昨午2時多，林文龍先在醫院門外接受訪問，他說：「今日一家三口可以一齊返屋企，太完美，係極大喜訊。屋企嘅BB房都準備好晒，除咗有陪月照顧可盈，仲會有中醫開藥方畀佢調理。」林文龍透露可盈情況很好，產前只肥了20多磅，產後醫生指她身上沒多餘脂肪，他說：「不過可盈好緊張，佢話有啲肚脹脹，但醫生話係正常。」林文龍指可盈不夠人奶，會以奶粉輔助餵囡囡。
有女萬事足
為了多點時間照顧妻女，林文龍表示會停工一至兩個月，他表示並非太太扭計：「反而係我扭計想留低，我唔捨得，推劇我冇計過損失幾多，家腦裏邊只係可盈同BB。就連股巿跌都冇理，BB出世對我嚟講等於股巿大升。」
問到這次林家添新成員，是否令夫婦感情更好？他說：「感情超好。」是否一直超好？他答：「最近勁好。」做完訪問他即往接可盈見記者，她雖戴上黑超，但仍精神奕奕，她大談初為人母感受：「好真實，因為產品終於面世。」
努力生多個
對於林文龍恨再做第二任爸爸，可盈說：「可以諗吓。」是否要無限期休息，她說：「唔想BB之間相隔咁耐。」其間可盈大讚老公：「佢照顧得我好好，我好感動。」其間，林文龍說：「應該嘅！」，然後可盈答：「多謝呀！」兩公婆突然又好客氣。
產後的可盈身形苗條，不似剛生完BB，她說：「唔係，腰、臀、腹都要收吓，我貪靚嘛。」
採訪：林妃
攝影：葉君海