陳豪前晚在舊機場為無綫新劇拍外景，當晚他和林保怡及黃德斌扮oldschoolboys夾band，有板有眼。舊愛廖碧兒近日因拍動作戲受傷，陳豪隔空送上慰問，並叮囑：「易受傷就要小心。」雖聲聲拒認緋聞，但一切盡在不言中。
無綫新劇《天與地》近日接近埋尾，前晚陳豪、林保怡、黃德斌、佘詩曼及邵美琪等，在舊機場空地拍攝，現場花近百萬元搭建舞台及請來大批臨時演員，拍攝音樂會場面，陳豪、林保怡及黃德斌上台夾band唱歌，阿佘等扮觀眾。
一心一意拍戲
陳豪表示為拍這個場面，事前臨急抱佛腳練歌，問到有否興趣如其他小生出碟做歌星？陳豪竟耍手擰頭說：「我冇興趣，我諗唔會，我係鍾意唱歌，唱吓主題曲已經OK，都係專心拍戲。」
有消息指陳豪深宵買定食物秘探舊愛廖碧兒，他聞言否認，聲稱相片中當時他只是到24小時超市shopping，根本未有見廖碧兒。提到近日廖碧兒因拍動作戲經常受傷，陳豪不忘隔空慰問說：「家少打女演員，所以發展應唔錯，我估佢冇事，不過都要注意動作，如果係易受傷就要小心。」
除了拍《天與地》外，阿佘另一邊要拍《公主嫁到》，幸好《天》劇接近完成，故不會太辛苦，阿佘又表示同劇演員感情如一家人，故此有點不捨得。農曆年初一及二阿佘難得有假放，她計劃和由外地返港的母親出埠旅行，之後便一直忙到9月。
阿佘關心琴姐
記者笑阿佘又穩佔最賺錢女藝員的席位，她笑說：「總之公司有安排工作畀我，但詳情我唔知。」一同拍《公主嫁到》劇的李香琴日前不適暈倒，阿佘說：「我託工作人員問候琴姐，好彩佢冇大礙，但話仍有少少腫，套劇都係啱啱開始拍，檔期可以遷就，等佢好番先開工。」
採訪：何慧斯
攝影：彭琮然