電動車雖然未普及，但香港政府喺呢方面就行快一步，不過主角唔係MyCar，而係三菱嘅i-MiEV，三菱除咗喺舊年年底移交三輛i-MiEV予香港政府使用外，今年春天，亦將會送交額外7輛供不同部門使用。香港係日本以外首個i-MiEV量產版銷售的亞洲市場。政府自09年2月與三菱自動車工業株式會社及環宇汽車有限公司簽署諒解備忘錄後，一直積極喺香港推動電動車嘅使用，一系列推廣措施包括豁免電動車首次登記稅及進行為期6個月預產版i-MiEV測試。政府也一直推動設立電動車充電設施。三菱i-MiEV自去年夏天於日本發售後，至今已有約1,000輛在日本國內行走。同時間，三菱亦會喺歐洲、北美等地進行測試及推廣，準備將i-MiEV在全球發售。
記者：趙慧敏