港股上個禮拜由高位回落，先後跌穿多條平均線，最後力守100日線之上收市。
禮拜五花旗股市回落，睇嚟會加重今日港股沽壓，不過100日線係好友重要防線，相信好友會力守，如果A股回升，港股有機會喺低位反彈。
中糧C輪20198：中糧（606）上周五收12.28元，升2.6%。股價突破阻力位之後繼續推上，十字星收市係整固嘅訊號，短線有機會稍作調整，但整固完畢，後市有機炒上15元，可以諗吓隻C輪20198。
隻輪現價34.5仙，2010年7月29日到期，行使價11.60元，溢價22.5%，引伸波幅89.8%，有效槓桿2.3倍，正股見15元，20198睇54仙，正股跌穿11元，就沽咗隻輪止蝕。
俊樺