一向以玉女形象示人的江若琳，前晚處女下海開演唱會，破格以多個性感造型出現，搔首弄姿又唱又跳，兼且當眾撕爛旗袍盡顯狂野本色。江若琳多年來一直和老闆林小明傳緋聞致表現避忌，但前晚林小明現身捧場，江若琳即主動和老闆握手，寵愛程度升級。
江若琳前晚在九展StarHall舉行首次售票演唱會，商天娥、苗僑偉、葉念琛及傅穎現身打氣，其中周秀娜撇下男友Avis，和曾傳緋聞的男舞蹈老師現身。和江若琳傳緋聞的寰宇老闆林小明也睇足全場。
觀眾嘲柏宇動L
甫開場，江若琳先以齊蔭假髮白吊帶裙出現，她雀躍地說：「好開心，終於可以夢想成真，呢個舞台係屬於自己。」早年她與朋友高唱《女校男生》的走音片段熱爆互聯網，前晚她說：「唔知大家有冇睇過呢段片，點擊率以我個人嚟講可以攞金曲金獎，以前我覺得係瘡疤唔敢睇，但家我已經唔怕。」接着她再唱這首飲歌，博得觀眾掌聲。
江若琳之後穿上桃紅小旗袍唱《新不了情》，唱完她即扯爛旗袍，展示內裏的黑色背心及熱褲獻唱郭富城、草蜢及鄭秀文的快歌，狀態甚弗。曾在公開場合下體忽然有反應的陳柏宇擔任嘉賓，他出場時觀眾大叫：「動L。」他笑說：「你估話咁易咩，冇咁多，想睇就上網睇，今日唔動L啦。」之後他唱出《固執》時走音，唱畢後即道歉。
「放開咗唔避忌」
當晚江若琳的母親也有到場打氣，台上還播出她的聲帶鼓勵愛女，其間江若琳落台時不避嫌跟林小明握手，提到兩人的緋聞時，她說：「08年對我嚟講係大風雪，當日咁殘酷傷害我，我可以一無所有，但家時間證明一切，我嘅努力證明到。」
慶功宴上，江若琳再和林小明碰杯合照，問她是否已放下兩人的緋聞？她說：「證明我已放開咗，好似走音咁唔介意人哋講，唔使避忌，大家都知係乜事，時間證明一切。」
採訪：李珮洳
攝影：黃文成
