去年沒有推出唱片而缺席四個樂壇頒獎禮的鄧麗欣（Stephy）與環球歌手孫耀威，昨日一起在銅鑼灣出席港台活動，既然昨晚無緣亮相無綫的《十大勁歌金曲頒獎典禮》，兩人惟有從其他渠道增加曝光率。四大唱片公司因版稅問題行動升級，歌手可用廣東話接受其他電視台訪問，孫耀威說：「今日我都會係咁，始終廣東話係母語，表達會好啲。」但率先試法的張敬軒則已向無綫道歉，孫耀威說：「唔使介意，相信係公司同公司之間嘅事，藝人好無奈。」
Stephy曾疑抑鬱
對於四大唱片公司歌手缺席《十大勁歌金曲頒獎典禮》，孫耀威稱：「呢個頒獎禮我細個時睇都睇到熱血沸騰，而且覺得好偉大，家咁多公司唔去都幾可惜，Eason（陳奕迅）、張敬軒仲慘啲，佢哋準備晒啲靚衫。」大部份一線歌手缺席，令頒獎禮人氣不足，孫耀威說：「可能有啲人減肥，唔想食足三両呢？希望風波快啲完。」
另外，謝安琪在某訪問透露曾患抑鬱症，Stephy深表同感說：「有段時間我都好唔開心，都懷疑過自己有冇精神病或者抑鬱症，有乜嘢就搵人傾訴。」至於會否向緋聞男友方力申傾訴？Stephy說：「佢太樂觀，可以紓緩情緒，但解唔到我心結。」
採訪、攝影：王連連