上月盟主
近排夜歸返屋企，除咗為個女洗奶樽洗碗外，最大享受係翻煲劇集。最近重播嗰套講法證嘅係小弟精神食糧，Timsir嗰句「當一切無頭緒，就要回歸基本」入晒腦，用嚟貼波應該都掂，今次我就Timsir上身，撐烏甸尼斯下盤。
彭路基停賽主隊例輸
我最近同班同事講，如果真實世界有Timsir、Dr.Koo呢類猛人，望一隻拖鞋、一樽咳藥水就救到一個小朋友條命、查到案，咁香港市民唔使愁，幾單淋腐蝕性液體嘅案實一早查到。點都好，大膽假設，小心求證係做任何事應有嘅態度，放諸四海皆準。
我扮「法醫」為帕爾馬今季點解咁出色「解剖」過，喺毫無頭緒下回歸基本，察覺今季帕爾馬主場聯賽只輸過兩場，輸畀祖雲達斯冇得講，另一場係舊年9月尾吞卡利亞里雙蛋，場波正正係彭路基停賽。
由此可見，呢位老人家嘅表現舉足輕重，佢明日對烏甸尼斯又停賽，冇佢喺後防一夫當關，我信帕爾馬未必頂得住烏甸尼斯嘅攻勢、今場主場讓對方平/半讓唔起。
噚日小弟牛一，一邊趕稿一路睇烏甸尼斯場意盃，睇迪拿達利喺場邊養精蓄銳，帕爾馬有難。
博喀麥隆「主勝」反底
英甲方面，列斯聯上場爆冷失分，檢討後周六穩贏埃克塞特。後者主場失球又不多，吼列斯聯小勝1:0。喀麥隆喺非國盃首戰失利，但其實戰力超班，周日可挫贊比亞極速反底，1.5倍W及2.55倍「主勝」固可捧，波膽吼3:0。
藍鑽石
近5場往績：L/LWL