隔牆有耳:中資公司逼員工簽名挺政改 - 李八方

隔牆有耳:中資公司逼員工簽名挺政改 - 李八方

「政制向前走大聯盟」近日打人海戰喺街頭巷尾呃神騙鬼搵市民簽名支持廢柴政改方案,高登網民踢爆「簽名黨」唔止喺街頭做嘢,中資公司更威逼利誘員工簽署信件,硬挺政府。

要求保留功能組別

爆料網民自稱在一間辦公室位於上環嘅上市國企工作,日前公司下令所有員工都要喺一封信上簽名,表態支持政改方案,佢話為兩餐惟有簽名,十分無奈。該挺政改信件有三大重點,第一係完全同意、贊成政府個翻叮政改方案;其次係支持2017年特首選舉,由800人提名委員會提名「2至3名行政長官候選人」,意味阿爺已有遊戲規則腹稿。第三點仲得人驚,要求簽名者贊成2020年立會選舉以適當方式保留功能組別,擺明唔要真普選。政府話諮詢重質不重量,對呢啲強姦民意信件,唔知點計數?