上月燈神
難得喺呢個農曆年期間有幾日假期，諗住出外relax一吓順便避年，點知無論係歐洲、美加團抑或東南亞團，加幅都好甘，平均都加3、4成，有啲仲加到7、8成。唔好以為咁就好少人報名，啱啱相反，啲團好多已經爆滿。至於自遊行就更加唔使諗，近近哋去東南亞嘅機位，都起碼要到2月尾3月頭先至有位！同做旅行社嘅朋友傾開，問佢家個市係唔係真係咁好，點知佢答得好妙，佢話：「邊度係吖！只不過係家嘅人心態唔同咗，諗住啲錢又唔夠人多，擺喺度又係冇，今日唔知聽日事，咪一於用嚟去玩去食好過。」
其實，呢種「窮風流、餓快活」嘅心態，喺歐洲球壇亦都有，好多球會都係唔理自己嘅財政而擴張過度，搞到一褲都係，就好似列斯聯咁。不過，今期我推介嘅車路士就財力同實力一樣咁雄厚，由於家佢哋已經冇乜分失嘅空間，喺周六迎戰陣容不整嘅新特蘭時，相信可以順利開[-1]嘅「主勝」。
吾中
近5場往績：/WLLW
讓球主客和：車路士勝[-1]
心得：車仔實力財力皆雄厚