雖然「80後」高呼抗議，但立法會通過高鐵勢在必行；政府各高官及建制派議員不斷表明，這項600億基建對香港「長遠」利益有利冇害。但回歸以來，政府的假大空建設，已畀唔到人信心；迪士尼連年虧蝕，中藥港請問在何方？數碼港變成豪宅區，扮保育的建築，尖沙嘴舊水警總部淪為hightea同名店勝地，遊客想影張相都唔得，第1街的所謂重建，變成萬二蚊一呎的豪宅。
曼聯當年由美國商人收購，以為有「長遠」的美好將來，但原來收購的款項全數變為債務，今季初紅魔已經要賣走「大仔」C朗填數，而家又傳出「二仔」朗尼都要賣，點都好，仲有曼聯牌頭，點都炒得起般尼。
牽牛
近5場往績：WDLLW
讓球主客和：曼聯勝[-1]
心得：般尼作客腳仔軟