梁靖琪（Toby）選擇幕前減產投身婚禮統籌行業，自認感情生活dry爆的她，今期情迷《阿凡達》（Avatar），前日跟曾傳緋聞的蕭正楠突然黐埋，到九龍灣睇《阿凡達》後再喫糖水，一於潤番一晚。
梁靖琪近月減少幕前演出，主力其weddingplanner事業，暫離水銀燈下生活的她不時中、港兩邊飛，公私兩忙。前日她在港相約快將33歲的過氣緋聞男友蕭正楠，到九龍灣megaBOX嘆糖水，同場還有崔建邦舊愛唐詩詠，三人邊喫邊傾，但當中以蕭正楠最投入，全程手舞足蹈十分肉緊。
「唔介意發展」
前日下午約6時，Toby、蕭正楠和唐詩詠同時現身，當時蕭正楠戴鴨舌帽及穿運動裝，Toby戴黑框眼鏡遮素顏，唐詩詠則淡妝上陣，三人齊往商場內的深井發記糖水，各自點了飲品及糖水。現場見蕭正楠口水最多，不是煲電話粥就是跟兩女吹水，傾足20分鐘後才離開。
原來Toby前日相約蕭、唐兩人欣賞電影《阿凡達》，昨日Toby被問到會否與蕭正楠舊情復熾，她在電話中說：「唔會啦，佢係我好兄弟，雖然我家感情狀況好dry，有啱嘅男士都唔介意發展，但呢啲嘢要順其自然，冇得強求，我即將要開劇，應該冇乜時間拍拖。」她又大讚《阿》片精采說：「不過睇完有啲暈，所以大家去食糖水，食番啲甜嘢會好啲。」
其實Toby和蕭正楠的緋聞始於03年底，當年兩人剛出道，Toby只是女生宿舍的黃毛丫頭，蕭正楠則是樂壇新偶像，未料戀情被火速踢爆。事隔7年，如今蕭正楠以拍劇維生，Toby加入婚禮統籌行業後也忙個不停。
北上賣大包
近日Toby在blog（ http://hk.myblog.yahoo.com/toby-leung/article?mid=4448）上載了上月北上參加公益活動的照片，向來喜歡冚實驕人身材的她，離開香港即賣大包，穿着低胸晚裝赴會，極為性感。下月滿27歲的Toby返港後更在片場探擁有阿凡達大眼的吳卓羲班，兩人攬頭攬頸，前日她又獲蕭正楠陪伴，總算有番些滋潤。
採訪、攝影：黃文偉、羅德光、丁寧