鄭裕玲於08年狠撇姊弟戀男友呂方，近日男方被拍到與歌唱老師戴思聰的幼女、謝霆鋒初戀女友戴辛蔚拍拖逛超級巿場，並齊齊買餸玩煮飯仔，戀情因此曝光。戴思聰夫婦昨日異口同聲大讚學生呂方人品好。
不過呂方卻否認與戴辛蔚的戀情，他昨日在電話中說：「我出道就識戴老師，近排見番佢，我睇住戴辛蔚長大，佢叫我哥哥，嗰日係老師生日，我哋買嘢煮畀佢食，大家唔好再亂寫。」問呂方近日感情狀況如何？他說：「我冇拍拖，有就唔怕認。」
戴思聰昨日則承認呂方近日頻往練聲，被問到呂方是否跟其女兒拍拖，戴思聰說：「我只係教唱歌，其他嘢就唔知。」戴思聰太太則說：「呂方好乖，我哋好錫佢。」可想呂方做女婿？她再說：「咁又未諗過，不過我個女好多人追。」
採訪：比華利