港股前日俾加存款準備金率嘅消息震散，拜花旗股市造好所賜，噚日已經冇事，不過個勢仲係偏弱，因為恒指升過240點之後倒跌收場，港股係咪企得穩，仲要睇埋今日個市。
航運股呢幾日造得幾好，前日升勢被打斷，噚日又生猛番，可以繼續留意。
中遠洋C輪20175：中遠太平洋（1199）昨收12.94元，升3.8%。股價短線會上試13.70元阻力，破位睇16元，可以諗吓隻C輪20175。
隻輪現價37仙，2010年11月4日到期，行使價11.99元，溢價21.2%，引伸波幅75.4%，有效槓桿2.3倍，正股升上16元，20175睇59仙，有近6成升幅，如果正股跌穿11.80元，就沽咗隻輪止蝕。
俊樺