三網融合係乜東東？可能好多股友都搞唔清楚係乜嘢一回事，但電訊股及網股已大幅炒上，中移動（941）更成為撐住大市主力，昨收報79.40元，升2.6%。
按傳統智慧，呢類大落後股大升時，往往係股海升浪近尾聲之時，昨日輪到電訊股炒起，有種好濃之食尾糊味道。
昨日大市受內銀股及內房股拖累，先升後跌，不過仍有部份與指數無關的股份炒高，散戶要喺呢種市況搵到食，買貨好考選股功力。
好消息頻傳的雅天妮（789），在大市吹淡風中股價仍硬淨，昨最高曾升見1.35元，收市微升0.01元，收報1.32元，1.30元以下買盤相當積極，料升勢未完，家陣不過趁跌市消化近期升幅，伺機買入，預期後市可突破52周高位1.62元，目標價1.80元。
雅天妮剛宣佈與球王比利及意大利足協簽訂非獨家特許權，全力將足球配飾打入大陸消費市場，今年內需股最合基金胃口，市傳雅天妮獲基金青睞，可留意。
方星俠