本報昨日報道馬浚偉、鄭則士和鍾嘉欣主演的無綫劇集《老友狗狗》與07年亞視爛尾劇橋段相似，無綫製作部戲劇總監曾勵珍，昨日聯同《老》劇監製梁材遠、編審蔡婷婷及外事部副總監曾醒明開記者會。
曾醒明說：「公司睇完覺得對創作部同事唔公平，所以要對大家澄清同交代，必須以正視聽，事情會交畀法律部門跟進，保留追究嘅權利。」曾勵珍則表示07年年中，監製梁材遠和編審蔡婷婷已有此構思。編審蔡婷婷說：「我哋希望帶正確養狗嘅知識畀觀眾，如果話係抄，我諗只係抄自己同朋友養狗嘅心得同經驗。」
編審曾在亞視工作
問曾勵珍會否覺得橋段相同？她說：「佢（指亞視）拍咗出嚟咩？我冇睇過佢哋個古仔，佢哋話橋段好似，咁叫佢哋攞個橋段出嚟睇，同埋有橋段點解唔拍？有橋段叫佢哋攞本天書出嚟，我唔相信會似，因為呢啲係我哋自己嘅腦諗出嚟。」
至於前亞視高層楊紹鴻暗示與亞視員工過檔有關，曾勵珍說：「有邊個亞視員工過咗嚟，叫佢講個名出嚟。」蔡婷婷則承認曾在亞視工作，但98年已過檔無綫。
採訪：何慧斯 攝影：彭琮然