黃百鳴《家有囍事2009》為去年香港的華語片賣座冠軍，造就了古天樂跟吳君如這對千萬票房拍檔。今年他們再接再厲拍攝的《花田囍事2010》，老闆黃百鳴更身先士卒獻出銀幕初吻給君如。原來臨時加這場咀戲是出自擔編劇一職的黃百鳴兒子之主意，是他一手造就父親獻吻。
電影《花田囍事2010》安排於下月11日在中、港兩地同步上映。除有古天樂、吳君如及黃百鳴演出外，還有搞笑的鄭中基、名模熊黛林及Angelababy。全片最令人震撼的鏡頭可算是黃百鳴激咀君如的一幕，不講不知這次原來是黃百鳴的銀幕初吻，他說：「啲人成日話今次有君如咀係益我，實情係我為藝術犧牲至真，因為我拍咗幾十年戲，都冇試過拍接吻戲，最多都係借位。」他笑言拍攝前都經過一輪掙扎。
百鳴兒子安排
而對接吻戲非常有經驗的吳君如笑言一收到劇本時內心已經凉了一截，她笑說：「同百鳴哥合作咁多年都冇試過真係要咀o架嘛，導演邱禮濤同編劇百鳴哥個仔黃子桓都覺得要搞新意思，所以咪加咗呢場戲。原本諗住係咁意借位就算，點知導演話一定要拍closeup，仲有幾秒定格先夠震撼，最後惟有鼓起勇氣咀落去！」
鄭中基執身彩
另外，當事人之一鄭中基解釋事發經過，他說：「原本場戲係講君如想偷咀我，點知誤打誤撞咀錯咗老闆，我真係執身彩唔使俾君如咀。」不過拍攝這場戲之前，君如已經再三叮囑鄭中基不要搞事，假如因為他而導致重拍，必然有他好受，令一向喜歡整古造怪的鄭中基亦表現得規規矩矩。
撰文：李森