任達華在新片《滅門》演一名黑社會頭目，最後不得好死，華哥演過無數角色，壞人物、警察、英雄等等都有，他女兒晴佳雖僅得5歲，但至今仍未看過爸爸任何一部作品，華哥說：「冇必要畀佢睇，我想佢有正常生活，小朋友應該有童真，所以我連無綫、亞視都唔畀佢睇，到佢大個想睇乜都得，家我個女都仲未知我做演員係啲乜，只知我返工等於佢返學，有時仲想跟埋我去開工。」
房車裝雪櫃冧老婆
華哥絕對是一位好爸爸兼好老公，在剛過去的聖誕節，他才送了一部七人車給太太做禮物，他說：「琦琦唔重視物質，送車唔好睇係咪貴重物品，因為佢有好多時間都用到車，所以我特別喺架車入面加咗電視、雪櫃畀佢，重要嘅係嗰份心意，生活上又享受到，好過送層樓，琦琦要層樓咪又係放喺度，冇啲意思。」
採訪：魯萍 攝影：陳慧安
化妝：PaulineChan 髮型：樂仔
場地：Oceanna（鰲）