大生銀行家族成員馬清揚錢慧儀夫婦，去年底家中遭菲傭偷童裝，反被菲律賓領事館列入監察名單，不能聘請新菲傭。錢慧儀前晚謂家中現只有兩名工人，自己也要親自落手，自言「搞到自己都癲癲哋」。
法國名牌Chloé前晚在中環舉行2010春夏新裝VIP晚宴，馬清揚錢慧儀夫婦、樂基兒、林建岳和星級化妝師Zing等捧場。錢慧儀去年11月家中3名菲傭做家賊，偷取她150件童裝衣物，上月各被判監3個月，但錢慧儀也因事件被菲律賓領事館列入監察名單，不能聘請新菲傭。
「唔係celebrity會好啲」
前晚錢慧儀忍不住呻，她說：「我同領事館講過，我係15年來，請咗45個工人，唔係辯方盤問時話我04年開始，炒咗45個。我係請咗45個，其中10個係冇嚟到香港，有35個用咗4年到10年不等。」
錢慧儀續說：「我覺得很困擾，領事館放我喺watchlist，佢話要平息人民嘅氣憤同怒氣，我同佢解釋係你哋人民偷咗我嘢，佢哋就話我唔應該報警，講到我錯咁，我都冇錯。仲話如果我唔係celebrity，咁會好啲。」
現時錢慧儀謂要解決請家傭事件，她說：「屋企家得番兩個工人，我都要做埋工人，買餸、接送、做家務，搞到自己都癲癲哋。」
Zing為王菲個唱化妝
此外，Zing落實為王菲復出的演唱會化妝，他說：「呢件係秋天嘅事，我都好期待。」問到妝容特色或主題，Zing說：「言之過早，要貼題，我嘅妝一定係靚為主，幾易定幾爆，都係漂亮行先。」
Zing謂未與王菲傾談化妝，他說：「佢對自己同身邊嘅人有信心，同佢形象商量吓先，如果順利先再斟酌吓。」
採訪：LawWaiMan
攝影：ChanShunChing