組合Mr.今年嶄露頭角，到目前為止，在三個樂壇頒獎禮累積獎項已達8個，跟出道十年的天后容祖兒睇齊，成績不錯。Mr.隨即獲可口可樂睇中，找他們跟安室奈美惠一起做新產品代言人兼拍電視廣告，之後還會全力贊助Mr.紅館開處男演唱會，相信Mr.彈起，又再掀起樂壇一股新勢力。
組合Mr.五子，由Alan、MJ、Tom、Ronny、Dash組成，去年因為一首《如果我是陳奕迅》為人認識，所以他們經常多謝陳奕迅。樂壇成績斐然，Mr.的努力令死灰多時的樂隊年代再次燃點，大品牌紛紛向他們招手，最近可口可樂推出新產品，找來Mr.作招徠，日本方面，則有安室奈美惠做代言人。
未來武士上陣
日前Mr.五子以獨特造型到柴灣拍攝廣告，五人全部以黑色未來武士裝上陣，當中最趣怪的就是Tom，他說：「係呀！我係打鼓，但係唔明點解要戴個咁硬嘅手套，真係好鬼重。」
Mr.今年可以首次拍廣告，3月7日又可以完成踏紅館之夢，他們的心情既緊張又興奮，主音Alan說：「初初聽到個消息真係好開心，時間越來越近，就開始知死，家紅館開騷，要唱成30幾首歌，都好驚，要操弗自己。」
對於第一次在紅館開個唱，問Mr.會有何特色？Dash說：「今次開一場，主要係想答謝歌迷支持，除咗會唱自己歌，仲會唱吓其他人嘅歌，嘉賓方面，最想最想請就係阿Paul黃貫中，佢地位十分十分之重要，仲有JoeyTang，到時都會唱吓佢哋嘅歌，仲有就係Eason陳奕迅。」採訪：楊潔雯
攝影：陳慧安