有傳容祖兒為幫鍾舒漫上位，兩人一起對付得寵的泳兒，祖兒更拒絕借鞋給泳兒。前晚三人同場錄影，攬頭攬頸以示老友鬼鬼，英皇一姐祖兒自言只要有能力，她個個都錫，又稱沒借鞋給泳兒只是因size唔啱。
英皇旗下的容祖兒、鍾舒漫（Sherman）、泳兒及林峯，前晚在無綫將軍澳電視廣播城錄影《勁歌金曲》，之前有報道指祖兒撐Sherman力抗得寵的泳兒，且借鞋給Sherman卻拒絕借給泳兒。前晚三人同場出現，其間不停聊天，以行動力證三人冇心病。
祖兒自稱個個錫
祖兒說：「我哋一家人，我心中希望每個家庭成員都有好成績，Sherman嘅機會係自己爭取。」問她是否特別疼錫Sherman時，她說：「我個個都錫，有能力都錫。」至於借鞋事件，祖兒謂：「我不知借過幾多鞋畀人，我係鞋王嘛，可能泳兒size唔啱。」
泳兒身形與腳形都跟祖兒不夾，嘴形夾不夾？祖兒說：「咁要試吓先知。其實我師父蘿記（羅文）教過我唔好吝嗇自己嘅能力，有能力幫人代表你叻。」
泳兒與Sherman前晚也狀甚老友地一起接受訪問，泳兒說：「祖兒喺我心中地位冇動搖，唔可以用借嘢嚟衡量同一個人嘅關係。」Sherman則說：「我同泳兒新秀時已識，佢有時好靜，但都合群。」對於有指無綫金曲金獎會頒給Sherman的《給自己的信》，她說：「發夢就有，我唔信囉。」
林峯嫌棄謝安琪
此外，同場的林峯談到他將與楊千嬅合拍的新戲，原定女主角屬意謝安琪，但因謝安琪與陳奕迅鬧緋聞，據悉有關方面怕謝安琪會拖累林峯形象因此易角。林峯說：「同千嬅都好，我哋朋友底，十年冇合作，家個新故事更適合我拍。」問林峯比較想跟千嬅還是跟謝安琪合作時，他說：「千嬅識咗好多年，我都想再同佢有合作機會。」
採訪：卓寶花
攝影：彭琮然