Kid模Winky王允祈近日紅到爆，佢幫萬寧拍廣告，內容指佢人細鬼大，對請佢食糖個店員哥哥有意思，甚至妒忌到搶咗另一個小朋友嘅糖，之後又話鍾意咗個哥哥。
不過，有家長認為廣告教壞細路，仔已經唔啱，搶糖就更加曳，仲要藐人！影視處話接獲18個投訴，指廣告意識唔係咁好。投訴合唔合理呢？八方相信自有公論。
年僅5歲嘅Winky一炮而紅，讀書仲叻，據佢爸爸喺blog透露，Winky報考六間私立、直資小學，獲三間取錄，媽媽首選嘅救恩更一擊即中，其他學校面試都慳番。拍得萬寧廣告，Winky當然唔會立亂幫襯「屈人寺」，佢爸爸話有次帶個女去萬寧，見到掛滿Winky海報都嚇一跳，又有好多人認得Winky，搞到佢哋不敢久留。