內地突如其來加存款準備金率，睇落事前冇乜人知，股市調整最好一次過跌晒，唔好拖泥帶水，事關炒家最怕係市場環境唔明朗。
市場有唔少人認為，中央呢招明顯係退市策略，下一步就會加息。但調番轉頭諗，如果大陸加息，人民幣升值預期更加一發不可收拾，會招來四方熱錢湧入中港資產市場炒作，咁咪一樣利好港股。現時股海吹淡風，可能係趁低買平貨嘅好時機。
中航科工（2357）逆市之中見真章，昨日一度突破52周高位，升至3.80元，收報3.75元，升2.7%。看來注資傳聞空穴來風，並非無因。
中航科工已落實與大股東中國航空工業集團資產互換，未來猛打補針之下，將成為中航集團A股以外的資產整合平台。市場預期未來三數年，中航科工可獲注入逾1500億元人民幣資產。
一隻股票能無懼大跌市炒高，必有所恃，估計中航科工未炒完，可趁回氣時買入，目標4.50元，跌穿3.40元止蝕。
方星俠