昨日78歲生日的李香琴，前晚因為連續4日每日10小時為無綫拍攝劇集後，可能因體力不繼加上近日天氣寒冷，令老人家不支暈倒，昨日要在醫院度過其壽辰。
雖然昨日是琴姐78歲生日，不過她表示為安全計決定再到九龍法國醫院留院檢查，即使生日都要在醫院度過。事件發生在前日，琴姐在廠房拍攝梅小青監製的無綫劇集《公主嫁到》，到準備埋位時，琴姐忽然暈倒，嚇得在場演員及工作人員大驚。最後由保安員報警由救護車送往將軍澳醫院，檢查無礙後出院，昨日再入法國醫院檢查。
全身檢查求安心
琴姐昨日接受電話訪問時說：「可能天氣凍加上老人家易攰，暈低之後嚇到大公仔（關菊英）即刻不停拍醒我，其實埋位前都有啲沾寒沾凍，到暈低時自己都唔知。跌親塊面有少少腫囉，手、腳有啲痛，不過就好彩啲骨冇斷，老人家最擔心啲骨。」琴姐笑言出事後整晚都擔心到不能入睡，要靠安眠藥幫助，為求心安所以找相熟的院長作全身檢查以求安心，她說：「因為唔知乜事暈，最驚就係心臟同個腦出問題，所以住一晚院check吓穩陣。」琴姐雖然入院，但仍收到不少契仔契女的短訊祝生日快樂。
採訪：李森、黃曉程
攝影：黃曉程
