楊千嬅昨日為金鐘點睛品店擔任剪綵嘉賓，情人節將至，老公丁子高為給老婆驚喜，特意一早靜雞雞在店中揀出數款首飾讓千嬅到場後挑選，最後她揀了一隻鑽石手鈪，千嬅則揀鑽石煲呔轉送老公，千嬅謂：「咁我真金白銀收咗錢，都要幫襯吓，呢間公司又係我老公公司嘅客戶有好好折扣。」
同阿Sa爭餐飽
有傳千嬅在《十大勁歌金曲頒獎典禮》與蔡卓妍（阿Sa）爭奪亞太區最受歡迎香港女歌星，千嬅笑言：「吓！升呢做亞太咁勁，我噚晚（前晚）先喺第二度返，真係唔知喎，有獎我都會開心，冇獎都唔會太執着。」兩人是鄭中基的新舊女友，自然會引起敏感話題，千嬅謂：「娛樂圈係好易皮膚敏感，我冇諗呢啲，阿Sa好勤力，唔可以抹煞佢嘅努力。」
另外，有傳千嬅稍後與林峯合拍邵氏新戲，原先女主角是謝安琪，但因形象差改為千嬅，千嬅承認與林峯合作另一新戲，而謝安琪主演的則改由阿Sa及黃宗澤擔演。
採訪、攝影：胡比