名模JessicaC.、CaraG.和Jocelyn、官恩娜及徐子珊等昨日到尖沙嘴出席「SaSa．第一屆香水奧斯卡」活動，穿上黑色開胸衫的CaraG.成功擊退有「警鐘胸」之稱的JessicaC.。問CaraG.自覺最性感嗎？她笑說：「係呀，我鍾意性感，望落去好好睇，其實所有人都性感，我係最性感，但佢哋都着得好靚，唔好比較。」JessicaC.則說：「我好鍾意同佢哋合作（指Cara及Jocelyn），大合照唔使讓嚟讓去，邊個企中間都得，大家係ForFun。」
子珊同高層關係好
徐子珊最近與富豪陳國強傳緋聞，問她以後會否避免私下去飯局？她說：「我一向都唔去，除非公司慶功。」另外有消息指徐子珊為擦高層樂易玲鞋開罪曾勵珍，被珍姐趕出，情節比劇集《美麗高解像》激鬥更甚，徐子珊說：「好好笑，樂小姐同珍姐都好錫我，之前珍姐同我傾藝員約時話會畀好多機會我，以我所認識樂小姐好大方，我同兩位關係都好好，冇咁嘅事。」
採訪：WanManChi
攝影：DickyChan