同事問：「邊個品牌搵Wyman呀？」我說：「SK-II。」同事反應是：「吓？」
無錯，今次是SK-II做媒撮合與Wyman的訪問，因此今次內容不只有衫衫衫同衫，仲有扮靚、化妝同護膚心得。本來美容事好像只關女人事，但我倒認為眼前這個貪靚男人的護膚法絕對有參考價值，至少我想知道他外出見人衣服的品牌之餘，也對其夜用護膚法感興趣。亦因為我想知，所以我估你都係。
記者：胡卓琳
攝影：伍慶泉
Wyman:我非護膚達人
想知Wyman的護膚心得，但得到答案是：「講真，我並不是甚麼護膚達人，加上怕煩及無耐性的性格，所以在我而言，護膚步驟最好越簡單越好。」那麼有甚麼快靚正的護膚品推介呢？「三十歲前我是不會護膚的，到了三十歲後首次遇到傳說中的乾燥爆坼，我才知道護膚的重要。雖然唔係用咗好耐，不過我認為SK-II神仙水就正合我心，洗完面塗適量滋潤就搞掂，不過量亦毋須左溝右撈，至少唔使用幾個鐘乜都唔做來護膚已可得到效果，我已經很滿足。」除了神仙水，Wyman話有需要見人或拍攝前才會敷Mask，否則一切都希望以日常的簡單護膚法為原則。
妝潮各走兩極
要訪問時裝達人Wyman又怎可以唔問扮靚及潮流問題呢？眼前穿上一身紅衣的他對化妝潮流又點睇？「嚟緊幾年我認為化妝潮流應該會幾極端，一是繼續流行化咗等於無化的Nude妝；二是跟住流行的偶像潮流去走，而最近我認為LadyGaga的超級濃妝應該會大Hit，事關就算LadyGaga返工化濃妝，放工搭地鐵，我相信都無人認得出佢身份，仲可以避免撞到公司同事要打招呼的尷尬，唔錯o架！」雖然講明望人先望衫，最後才會望人塊面搽咩，不過Wyman對妝潮的一番獨特見解，真係估佢唔到。不枉我多年來封他為偶像，之但係抱歉，自問真係跟唔到LadyGaga的濃妝潮走！
同場加映：
阿徐：敷Mask做瑜伽
美，是可以人工打造的，但阿徐的那種是骨子裏的美。自言十幾年前已經用SK-II的她說：「這些年來我斷斷續續用神仙水及其護膚面膜，發覺皮膚看來明顯嫩了。另外我覺得足夠睡眠及高溫瑜伽也對皮膚有幫助，因為排汗可加速新陳代謝，連平日不出汗的地方也能清潔，所以有空就做高溫瑜伽。」
信徒的神仙水藝術
適逢品牌三十周年，特別搵來一眾神仙水的信徒，包括劉嘉玲、琦琦、李心潔、任達華、徐濠縈及黃偉文等，以「UnlockTheMiracle」為題，各自發揮創意設計了不同的藝術擺設，並將於1月至3月分別在香港、東京及亞洲城市作巡迴展出。
Wyman作品—神秘之匙
靈感自俄國傳統套娃公仔，Wyman說設計包含了「脫胎換骨」的意思，當三支神仙水套在一起，即見鎖匙形狀。最初這個設計亦是為旅行而設，為方便去不同長短途旅行時可帶不同Size的神仙水，果然細心。
徐濠縈作品—珍寶與潮流
發揮女人愛Shopping的精神，設計如鑽石形加半彎手挽，希望皮膚如鑽石一樣永恒。
任達華作品—存美之道
以攝影角度將凋謝的花拍攝成重生，比喻皮膚得到重生。
琦琦作品—剝殼雞蛋
神仙水的奇蹟修護力量，有助肌膚重生，就像琦琦的經典廣告「剝殼雞蛋」。
Wyman推介
講嚟講去，究竟SK-II「神仙水」有幾Work？憑甚麼創下每28秒售出一瓶的驕人紀錄？我身邊朋友十個有七個係Fans，包括我阿媽都用緊的神仙水標榜的七大功效包括：調節肌膚的自然生理周期、滋潤及保濕、幼滑膚質、調節油脂分泌、調節肌膚pH值、緩和日曬後肌膚及提升透亮膚色。足夠吸引你去用第一支神仙水未？
SK-II（26041833）
沙田新城市廣場4樓420號舖