花旗股市前晚尾段推高，道指收10663，升幅溫和，不過向上嘅勢就keep住，美國大企業陸逐公佈業績，之前嘅經濟環境差，估計新公佈嘅業績會相對比較好，對股市有利。
港股噚日表現麻麻，恒指最多跌過200幾點，好彩A股午市升幅擴大，恒指收市跌84點，10日線上到22069，係短線嘅支持。
恒地C輪17464：恒地（012）昨收60.20元，升0.4%。股價喺上月底跌穿過50日線，但好快爬番上嚟，炒上先睇68元，可以諗吓隻C輪17464。
隻輪現價83仙，2010年6月29日到期，行使價60元，溢價13.4%，引伸波幅52.9%，有效槓桿4.1倍，正股見68元，17464睇1.32元，正股跌穿57元，就沽咗隻輪止蝕。
俊樺