玻璃車場啱晒懶人

世界各地停車場，總有啲設計得古怪騎呢、離經叛道，不過喺網上見到俄羅斯呢間停車場，真係觀感同實用兼而有之。全落地玻璃，設計骨子，連埋地下只得8層，每層只可泊4架車，創意之處唔係美好風光，而係不設車道，上落全靠中間圓形升降台，去到目的地仲會自動「隊」埋車位，連扭軚泊車都慳番，夠晒鬼馬。不過俄羅斯唔同香港，明明附近大把空地，點解要起得32個位嘅停車場？可能呢啲就係藝術啩。