曾志偉和小儀昨日在尖沙嘴出席「奇華珠姐XO醬」活動，二人即場煮兩味。最近有報道指志偉爆拍攝新片《72家租客》時，無綫賤待演員，志偉特別澄清說：「如果因為我嘅言論引起誤解，我有必要講凊楚，我唔想影響到我嘅朋友，好似樂易玲咁。」
志偉強調：「套戲冇演員淨係攞咗利是，裏面得無言感激而係冇錢，所有一線演員都收足片酬，打後嘅TVB演員都有錢，仲係比TVB出去幫佢哋接戲嘅價錢高。我知道TVB嘅演員出去接戲，價錢都偏低，我只想幫佢哋將個價錢提番高啲。」
笑談女兒緋聞
對於四大唱片公司與無綫的版稅糾紛，連張學友都轟無綫壟斷，志偉說：「我唔係局內人，不便評論，大家都有各自嘅理由，只係覺得受害者會係歌手。」談到女兒曾寶儀與周渝民（仔仔）傳緋聞，問志偉二人是否真的拍拖，他笑說：「係就好喇，其實我個女幫我監製部戲，成日要陪演員圍讀睇造型，咁俾人影到就實會有呢啲新聞。」
採訪、攝影：胡比