剛踏入2010年就有大搞作？華華收到阿里巴巴（1688）噚日廣發嘅英雄帖，叫大家新曆5月上深圳睇佢哋個AGM（周年股東大會）。
B2B總部搬落廣州
點解紮根杭州嘅阿里巴巴，會殺落深圳做大龍鳳呢？公關姐姐冇解釋，不過內地新華網就報道話，咁係意味呢間「全球最大B2B企業在珠三角的電子商務策略正在形成」，據了解，阿里嘅企業對企業電子商務（B2B）華南總部，上個月已經搬入廣州科學城，而阿里諗住以廣州為中心，建立珠三角區域性總部，下一步會喺深圳南方設總部，全面涉足電子商務。
呢鋪殺落成日俾人拎嚟比較、佢行家（其實大家業務性質唔同o架）騰訊（700）嘅地頭，唔知到時另一個馬生、騰訊之父馬化騰，會唔會做啲嘢壯吓聲勢咁呢？