名模琦琦月前去了北京，為連續第5年任代言人的配飾品牌Artini拍攝新季廣告。琦琦在兩天拍攝期，花了8小時炮製4個不同的造型，其中她要戴上3束假髮，營造豐盈巨髮效果，工作人員弄來4把風扇，不停吹她的頭髮和裙，令她大感吃不消，她說：「俾風扇吹咗好耐，令我好口渴，之後忍唔住食咗成個西瓜同5個桃。」
向來只sell時尚的琦琦，在另一個deepV造型中，罕有地以手按胸，性感噴血。
以為冇睇頭
琦琦直言：「大會其實安排咗好多幾十萬一件嘅名牌衫畀我着，初時我對嗰條低胸裙都好反感，唔係我style，你知我係保守型，又得Acup，覺得點着都冇睇頭，不過工作人員不斷游說，着咗就百分百投入，甫士都係自由發揮，效果都好滿意。」
採訪：DebbieLum