車仔麪絕對是香港地道特色美食，數配菜，離不開豬皮、蘿蔔、魚蛋等，嫌行？無問題，就罕食牛鞭、牛波子、牛喉嚨又如何？咬勁足又入味，更是搶手貨，午市有晚市隨時賣晒無得食！
記者：梁美甜
攝影：梁細權
Model：Joanne
滷水燜牛內臟 午市後即沽清
車仔麪快靚正，是不少人兩餐醫肚的好選擇，但來來去去都是豬腸豬皮豬紅，極其量來個牛筋牛腩，哪有想過吃牛鞭（牛陰莖）、牛荔枝（即俗稱波子的睾丸）、牛心椗（大動脈）、牛脆骨（喉嚨）及牛韁（肩頭韌帶），鍾記的牛內臟之齊，市面上罕有，加上以近廿種香料秘製的滷水燜十個鐘，辟腥之外更入味非常，膠質強煙韌具口感。因為燜製烹調需時，故每日限量製作，沽清即止，最誇張是往往午市後已去得七七八八，晚市隨時無得吃！除了獨特的牛鞭牛荔枝，另一招牌必食有豬腸，師傅只取幾十呎長的豬腸頭段7-8吋，貪其味濃有口感，以滷水燜足6小時，入味又好味，難怪日勁賣500份！
這裏的蓮藕魚餅也值得一試，鯪魚肉加入調味打至起膠，再加人手切粒的爽脆蓮藕，混和後再香煎，魚餅彈牙有咬口，日賣過百個。鍾記沿用傳統方法，自己排隊揀餸再付款，五十多種車仔餸選擇，每款由$6起，麪底則由$10起，想抵食可以揀套餐，隨餐跟時菜、老火湯或餐茶，都是由$30起。
特製牛鞭車仔麪套餐$34
鍾記招牌套餐中可以選特製牛鞭或豬腸頭配一款粉麪飯，隨餐奉送時菜、老火湯或餐茶，份量多，足夠兩個女孩子分享。
豬腸頭車仔麪套餐$34
幾十呎長豬腸只取頭段7-8吋，味濃有口感，以滷汁燜足6小時非常入味。
茶樹菇素扎（上）、蓮藕魚餅（下）每款$6
素扎以腐皮捲着青紅白蘿蔔、雲耳和粉葛等切絲，香脆惹味。鯪魚肉混蓮藕粒，煎香後很爽脆。
肉絲炒紅薯粉絲套餐$34（跟湯及茶）
以肉絲及紅腸炒成紅薯粉，入口爽滑惹味有鑊氣。
牛鞭$50/例牌
未經烹調的牛鞭差不多五六呎長，以近廿種香料的滷汁燜8-10小時後得三四呎長。
牛荔枝$50/例牌
俗稱波子的睾丸經秘製滷水烹調後，帶濃濃香料味，口感激似豬腰豬膶般粉粉的。
Queenie（右）及友人不時來吃：「呢度選擇多，又難得地坐得舒服。牛筋好入味，牛鞭就唔敢試喇！」
鍾記車仔麵（31522698）
紅磡黃埔花園8期螢幕圈蔡瀾美食坊1樓117及118號舖
$7安格斯牛 蔡瀾至愛菜脯煎蛋
靚靚車仔麵供應的車仔餸過八十款，每款由$5起，最重要是老闆洪先生為求高質素及好味道，全部車仔餸都是自家廚房烹調，更是款款獨立製作，如酸甜炸雲吞，雲吞看似細細粒，卻每粒都有尾指般大的蝦仁，再加入自家以大地魚磨成的粉作調味，鮮香味濃。洪生更不時自家研究食材，定期推出新餸，好似鹽燒安格斯牛柳就是新推出，以安格斯牛柳切粒，簡單地以海鹽調味燒製而成，車仔麪都食得腌尖過人，難怪一直受到明星追捧，任達華、張衞健夫婦等更是常客，蔡瀾則最愛這裏的菜脯煎蛋。
鹽燒安格斯牛柳堂食$13/串、車仔餸價$7
簡單以海鹽調味已帶出牛肉香及juicy，$7吃到安格斯牛，超抵。
串燒叉燒皇堂食$13/串
半肥瘦脢頭加入海鮮醬、玫瑰露、五香粉等醃半日再自家燒製而成，好味到連Gigi姐都要找洪老闆請教烹調秘方。
菜脯煎蛋$6/份（右）、口水雞中翼$7/份
蔡瀾至愛，以潮州菜脯切粒再加蛋汁煎成，蛋香味濃。雞中翼剛熟，肉質嫩滑，具濃郁麻香。
來自蘇格蘭的Pleotian（左）本是泰國人：「我鍾意食辣，最鍾意串燒食物夠香口又惹味！」
靚靚車仔麵（23660555）
尖東新文華中心地下22-23號
