融資融券及股指期貨出台，消息雖刺激內地A股升過一輪，但好快就有回吐，港股就跟足A股節拍，下半場升幅明顯收窄，僅升114點完場，收報22411。
半新股仍有看頭，只係升跌有緩急先後，到呢個階段，相信未曾大升者有機會來一場大龍鳳。其中勝利管道（1080）於去年12月掛牌上市，招股價2.20元，本月初上市保薦人麥格理以每股作價2.488元減持1.64%股份，持股量降至5.81%。
該股昨反覆偏軟，但跌至10日線反彈，僅跌0.01元，收報2.37元。以一隻貨源歸邊而又未大炒過嘅股份，料大升浪在後頭，若衝破上市高位2.69元，則海闊天空。現價可買，短炒目標3元，值博率不俗。
勝利管道係中國最大石油及天然氣管道製造商之一，主要客戶係中石油（857）及中石化（386）兩大集團，其SSAW焊管產能今年已增至54萬噸，另兩條產能共10萬噸生產線料今年可竣工，有助擴大市佔率。
方星俠