王賢誌昨日為代理的藥物「感冒X配方」在尖沙嘴設宴，出動人情牌請來大批好友撐場，包括謝賢、袁彩雲、莫可欣和韓君婷等。
謝賢證實新抱仔張栢芝懷了男嬰，他說：「好開心，照咗超聲波係仔，可以執番大佬嘅衫。」是否由他改名？他說：「老竇諗啦，你估爺爺大晒呀。」有指栢芝想生女，謝賢說：「問到我喇，我揀精蟲咩？」
「新抱仔話生五個」
不過謝賢謂栢芝胎兒已陀得穩定，沒再嘔吐，肚子也大，他說：「我家最錫係佢，叫佢繼續努力，獎佢生多幾個，新抱仔話生四、五個都得。」
談到女兒謝婷婷的男友安志杰，謝賢揚言不熟絡，問到可想一家人合作拍片？他笑說：「未死就得，到時先算，我都嗰頭近。」
王賢誌透露藥品是多年前由沈殿霞介紹，他投資過千萬元做港澳代理，下一步進軍內地市場。此外，問王賢誌可有聯絡崔建邦？他說：「自從上次回應話冇不和，佢就喺facebook刪除咗我。」
採訪、攝影：羅慧敏