張衞健（Dicky）、許志安、梁漢文（Edmond）和蘇永康組成的BIGFOUR將於3月在紅館舉行演唱會，昨日在尖沙嘴開記者會，並宣佈加開一場，3月11至14日共開四場。四人在記者會上拿着玩具槍射爆氣球，寓意場場爆滿，問他們為演唱會犧牲了甚麼？Dicky說：「犧牲咗啲夫妻生活囉，因為呢幾個月都唔可以返北京，要留喺香港。」
對於內部認購門票一早爆滿，安仔笑說稱：「我訂嘅飛都可能要俾人cut，連屋企人都驚唔夠飛畀佢哋。」問到演唱會有甚麼嘉賓，Edmond說：「吳國敬一定係鐵膽。」鄭秀文（Sammi）早前透露已應承做嘉賓，安仔詐作不知說：「係咩？我哋冇諗過搵Sammi做嘉賓喎，如果佢想參與我哋都唔抗拒嘅。」
採訪：胡比
攝影：黃偉雄