中證監批准融資融券，加埋中國嘅出口回復正增長，兩個消息加埋，刺激A股同港股齊齊造好，兩地嘅股市升幅唔算好大，反而係個好現象，因為大戶並冇借好消息出貨，A股同港股應該可以拾級而上。
恒指昨報收22411，暫時會窄幅上落，等候機會上試23000關。滙控（005）走勢轉強，會係帶動大市上升嘅主力。
中鋁C輪18049：中鋁（2600）昨收10.64元，升7.1%。股價噚日破旗，有機上試13元，可以諗吓隻C輪18049。
隻輪現價19.9仙，2010年9月8日到期，行使價10.88元，溢價20.9%，引伸波幅61.3%，有效槓桿3.1倍，正股升上13元，18049睇35.4仙，正股跌穿9.90元，就沽咗隻輪止蝕。
俊樺