舊年本地窩輪及牛熊證成交額高踞全球第一，個餅咁大，自然成為投資銀行兵家必爭之地，行內挖角或轉工潮亦周不時有。華華上個禮拜收到一封題為「ThankyouandGoodbye」嘅電郵，原來係瑞信前股票衍生工具銷售及市場推廣副總裁朱紅（Niki，圖）告別，臨lastday佢多謝傳媒界支持。
本地輪場競爭激烈係人都知，記得瑞信去年7月推出牛熊證，頭兩三個月都威過，排到五強之列，不過最近兩三個月就後勁不繼，被前列分子遠遠拋棄。
渣打埋班入輪場
Niki話今次係自己遞信請辭，強調經過長時間考慮先有咁嘅決定。有輪場行家同華華講，渣打及某中資機構已經埋緊班加入輪場，Niki係醒目女又做到嘢，話唔定好快再見到佢芳蹤。