近期台灣首富郭台銘旗下嘅富士康（2038），股價越升越有，咁掂唔知係咪同佢踩過界有關。
據《21世紀經濟報道》講，「代工巨頭」富士康踩過界搞埋B2C網上零售商店「飛虎樂購」，賣3C產品，即係電腦（Computer）、通訊（Communication）同消費性電子產品（ConsumerElectronics）。
華華即刻上飛虎樂購個網（www.efeihu.com，圖）睇吓，點知得張圖，暫時未見有內容。據報道引述富士康員工話，網站仲喺測試階段，等測試成熟先對外開放。有員工話，集團好鼓勵佢哋用呢個網買嘢。
嚟自一個未證實同富士康有冇關係嘅網上論壇消息，「飛虎樂購」網今年4月正式開業。
除咗網上零售，講喺深圳至少有兩家「飛虎樂購」體驗店開咗，賣嘅同網上差唔多。