花旗股市近排逐日升些少，道指上周五收10618，微升11點。12月失業率雖然差過預期，但係美股冇大反應，即係話短線個市仲要造好。
港股上周升破50日線後轉為橫行，周四技術走勢麻麻，但係周五已經企穩，大形勢仍偏好，今周可以睇好啲，如果大成交可以維持，個勢仲會好啲。
財險C輪19589：中國財險（2328）上周五報收7.98元，升3.1%。技術走勢強勁，有機上試9.80元，可以諗吓隻C輪19589。
隻輪現價24.8仙，2010年12月22日到期，行使價6.88元，溢價17.2%，引伸波幅65%，有效槓桿2.3倍，正股升上9.80元，19589有機見38.7仙，如果正股跌穿7.25元，就沽咗隻輪止蝕。
俊樺