黑人陳建州和女友范瑋琪周日（17日）將拍拖來港舉行慈善活動，好友余文樂拍心口義做影相佬，碌爆友情卡親邀多位藝人拍宣傳照。樂仔操刀，有沙漠女鄭秀文（Sammi）晒老鼠仔做model，還有頭張智霖（Chilam）及喪笑何韻詩等，奇趣眾星共冶一爐。
台灣藝人陳建州去年發起LoveLife慈善活動，為當地癌症病童籌得約303萬港元，日前富商郭台銘更捐出243萬港元，為黑人行善注下強心針。周日黑人與女友范瑋琪將延續愛心來港義賣T恤，善款扣除成本後將撥捐青春無晦行動，幫助思覺失調病患者。
義不容辭
當日除黑人和范范外，出席藝人尚有棒棒堂的王子、小傑及黑澀會美眉，不過不少香港藝人也各自出力支持。如黑人好友余文樂早前得悉善舉移師來港，並需邀請本地藝人拍攝黑白官方照作展覽用途，曾向攝影師夏永康偷師的他即義不容辭充任影相佬，打友情牌親邀群星做model。
在樂仔的鏡頭下，有騷老鼠仔的鄭秀文、仰天大笑的何韻詩、頭的張智霖，以及夏永康、林海峰、謝霆鋒、方大同、杜汶澤夫婦和周柏豪等；夏永康則為樂仔拍下O嘴睩眼照，鬼馬眾星相盡現人前。
碌人情卡
對於處男攝影作將公諸於世，樂仔前晚在電話中說：「我本身好鍾意影相，今次自己影番，大會可以慳番啲錢，留畀有需要人士，碌人情卡冇所謂，Sammi、阿詩、霆鋒都一口答應，個個朋友都好好。不過影Sammi因為太少時間，嗰日佢做完演唱會，好多人等緊同佢sayhi，自己比較亂，但佢好有energy，做完演唱會都仲有好多甫士。」
去年霆鋒太太張栢芝曾赴台拍攝有關活動的公益片，問樂仔今次有否邀請大肚5個月的栢芝影相？他說：「有同霆鋒講過叫埋栢芝，但栢芝舊年影過，而且有身孕，唔係太方便。」樂仔又謂近月其婆婆及姨媽先後因癌去世，更觸發他身為藝人應多參與善舉助人。
採訪：丁寧