曾獲港督尤德頒發社區服務獎狀的黃漢深，是第一個公務員獲此殊榮。他退休前在衞生署工作，退休後有長俸保障，又有三位子女照顧，本可享清福，卻感本港老人福利極不足夠，很多長者勞碌大半生，晚年卻毫無保障，故退而不休做義工為其他長者服務。近15年的義工生涯，令他看清安老政策問題，認為只有改革安老事務委員會，選出長者代表加入，方能造福長者。
獲尤德頒社區服務獎
78歲的黃漢深，回憶做官時最威水「政績」，是處理當年筲箕灣木屋區的衞生環境問題，「83年左右嗰度有13條村24,000人，大部份都係新移民，衞生意識唔高，搞到啲地方唔太清潔。」他與區議員和居民聯手改善，結果獲當時的港督尤德頒發社區服務獎狀，「係第一個公務員攞呢啲所謂嘅荷蘭水蓋。」
他91年退休，曾到朋友的律師樓工作，95年加入義工行列，投身長者服務工作，因為他自覺「乜都有」，應該回饋社會，「我係退休公務員，好多福利都有，醫療、住屋等等，但其他老人家就乜嘢都冇，覺得好似好凄凉，想將彼此享受嘅福利拉近。」
擔任義工接近15年，每星期抽兩、三天時間做義工，熱心公益令他榮獲多個感謝狀與嘉許狀，自言已數不清數量，「好似每個月都有一個咁，唔記得有幾多。」前朝公僕不留戀殖民地日子，也不滿特區政府待薄長者，自己人當家作主，老人福利毫無進步，反而賑濟其他受災國家、地區十分大手筆，他說港府做善事的同時，「最好可以留番啲畀香港嘅老人家同貧窮兒童。」
安老事務須長者代表
他多次去信特首、安老事務委員會主席梁智鴻及政府部門，意見如石沉大海，令他慨嘆，「點解啲老人家未好番就要逼佢哋出院？獨居嗰啲邊個理佢哋？」這些問題，80後不懂答，身居要職的40後、50後無能為力，他希望政府制訂老人政策時「唔好頭痛醫頭，腳痛醫腳」，建議安老事務委員會加入兩位長者代表，「70歲嘅梁智鴻都係長者，但佢係不食人間煙火嘅長者，安老事務委員會入面個個都係有錢人，如果個會可以喺老人中心選出兩個長者加入，比較有代表性。」記者鄧愷欣