上月燈神
呢期天寒地凍，最啱喺屋企包住張被煲劇，我煲嘅就係新寵三浦春馬嘅《武士高校》，不過今次唔係講佢，而係講女主角杏。杏全名渡邊杏，爸爸係著名影星渡邊謙，為咗唔靠爸爸名氣，只用單名一個杏字走江湖，而且已經算係日本一線模特兒，佢仲由天橋轉戰大、小螢幕。初初睇佢喺《武》片中硬係覺得怪怪哋，因為佢並冇日劇女角嘅甜美外形，即係同戰友青蛙仔嘅女神北川景子，或者守丹嘅甜心佐佐木希完全唔同style，仲覺得佢同三浦唔多襯，不過越睇就發現佢個樣越有味道，型格十足，而且佢身高1米77，着住套高校短裙校服，就更加係正！睇吓睇吓，仲發現佢同三浦都幾有火花㖭！
其實喺今屆英超，都有一隊波初時唔多起眼，但越踢越出色，而且同樣越睇越順眼，佢哋就係阿士東維拉喇。喺領隊奧尼爾執咗隊波3屆多4屆之後，家仲正式要挑戰Big4地位，喺周六作客攻守皆唔得嘅韋根，維拉只係少讓平/半，一於捧上盤半個博一個。
吾中
近5場往績：WLLWW
讓球：阿士東維拉（上）
心得：維拉越睇越啱心水